ଭୁବନେଶ୍ୱର: ସୁଜାତା କାର୍ତ୍ତିକେୟନଙ୍କ ବିଜେଡିରେ ଯୋଗଦାନକୁ ନେଇ ଦଳ ଭିତରେ ମତଭେଦ ଥିବା ଚର୍ଚ୍ଚା ଜୋର ଧରିଛି। କେତେକ ବରିଷ୍ଠ ନେତା ଏହାକୁ ସମର୍ଥନ କରୁଥିବା ବେଳେ ଅନ୍ୟ ଏକ ଗୋଷ୍ଠୀ ଅସନ୍ତୁଷ୍ଟ ଥିବା କୁହାଯାଉଛି।
ଏହି ପରିସ୍ଥିତିରେ ଦଳର ନେତାମାନେ ବିଭିନ୍ନ ଜିଲ୍ଲାରେ ଅସନ୍ତୁଷ୍ଟ କର୍ମୀ ଓ ନେତାଙ୍କ ସହ ଆଲୋଚନା କରୁଛନ୍ତି। କେନ୍ଦୁଝର ଓ କଟକ-ଚୌଦ୍ୱାର ଅଞ୍ଚଳରେ ବୈଠକ ହୋଇଥିବା ବେଳେ ଦଳୀୟ ଏକତା ବଜାୟ ରଖିବାକୁ ଗୁରୁତ୍ୱ ଦିଆଯାଉଛି।
ତେବେ ବିଜେଡିର କେତେକ ନେତା ଦଳ ଭିତରେ ବଡ଼ ଧରଣର ଅସନ୍ତୋଷ ନଥିବା କହିଛନ୍ତି। ଆଗାମୀ ଦିନରେ ସୁଜାତାଙ୍କ ଦଳୀୟ ଭୂମିକା ଓ ନେତୃତ୍ୱର ଡ୍ୟାମେଜ୍ କଣ୍ଟ୍ରୋଲ୍ ରଣନୀତି ଉପରେ ରାଜନୈତିକ ମହଲର ନଜର ରହିଛି।
