ନୂଆଦିଲ୍ଲୀ: WhatsAppର ପ୍ରସ୍ତାବିତ ୟୁଜରନେମ୍ ଫିଚରକୁ ନେଇ କେନ୍ଦ୍ର ସରକାରଙ୍କ ପ୍ରଶ୍ନର ଜବାବ ଦେଇଛି Meta। ଫୋନ୍ ନମ୍ବର ସେୟାର୍ ନକରି ୟୁଜରନେମ୍ ମାଧ୍ୟମରେ ସମ୍ପର୍କ କରିବାର ସୁବିଧାକୁ ନେଇ ସାଇବର ଠକେଇର ଆଶଙ୍କା ପ୍ରକାଶ ପାଇଥିଲା।
କମ୍ପାନୀ ପକ୍ଷରୁ କୁହାଯାଇଛି ଯେ ଏହି ସୁବିଧା ଏପର୍ଯ୍ୟନ୍ତ ସାଧାରଣ ବ୍ୟବହାରକାରୀଙ୍କ ପାଇଁ ଲାଇଭ୍ ହୋଇନାହିଁ। ନକଲି ପରିଚୟ ରୋକିବାକୁ ଜନପ୍ରତିନିଧି, ସରକାରୀ ସଂସ୍ଥା, ସେଲିବ୍ରିଟି ଏବଂ ଯାଞ୍ଚ ହୋଇଥିବା ଆକାଉଣ୍ଟର ନାମ ସଂରକ୍ଷିତ ରଖାଯିବ ବୋଲି କମ୍ପାନୀ ଜଣାଇଛି।
ୟୁଜରନେମ୍ ରହିଲେ ମଧ୍ୟ WhatsApp ଖାତା ଖୋଲିବା ପାଇଁ ମୋବାଇଲ୍ ନମ୍ବର ଆବଶ୍ୟକ ରହିବ। ସରକାର କମ୍ପାନୀର ଉତ୍ତର ଓ ପ୍ରସ୍ତାବିତ ସୁରକ୍ଷା ବ୍ୟବସ୍ଥାକୁ ଯାଞ୍ଚ କରୁଥିବା ବେଳେ ଫିଚର ଲଞ୍ଚ ସମ୍ପର୍କିତ ନିଷ୍ପତ୍ତି ତାହା ପରେ ସ୍ପଷ୍ଟ ହେବ।